Clarette Quandus ta presenta su obra ‘Tradicion di fin di aña’
ORANJESTAD - Diahuebs dia 13 di maart pa 5’or y mey Clarette Quandus ta presenta su obra ‘Tradicion di fin di aña’ na biblioteca na Oranjestad.
Tradicion di fin di aña ta un publicacion tocante e historia di San Juan y Dande di Savaneta di antepasado di famia di d.f.m Eloy y d.f.m Mario Koolman. E ta inclui historia di Anna Maria Noguera, Shon Pipi Koolman y Yendi Koolman. Ademas ta haci un dedicacion na Eloy y Mario d.f.m y famia cu a sigui cu e tradicion.
Pa crea un produccion completo asina, Clarette a busca conseho y revision di Mirto Lacle y historiado Dufi Kock. Ademas Dufi Kock a contribui cu varios potret relevante. Revision y coreccion di idioma Papiamento tawata den man di Rubia Bernabela y Joyce Pereira. Diseño di e kaft dilanti y layout ta den man di Venny Trinidad y imprenta tabata den man di Interprint N.V.
Clarette Quandus ta bon estableci den e mundo literario y a sa di publica varios obra. Na 2023, a publica ‘ Amor y fe’, na 2011 ‘Kibrando e silencio’, na 2019 ‘Elegante poeta’. Na 1998 ‘Mi Aruba, mi prohimo, mi inspiracion’ a keda publica. Clarette Quandus a
participa varios biaha na ‘Poeta di Patria’.
Biblioteca Nacional ta invita comunidad completo pa asisti na e presentacion di e obra "Tradicion di fin di aña", diahuebs dia 13 di maart pa 5'or y mey di atardi na Biblioteca na Oranjestad.