Cifra di turismo pa november 2024
ORANJESTAD – Aruba Tourism Authority (A.T.A.) lo keda pone enfasis pa mehora y mantene esfuersonan pa logra e balans segun e modelo di “High Value-Low Impact”.
E modelo aki ta consisti di cuater pilar:
- Calidad di Bida di e Residente;
- Calidad di Experiencia di e Bishitante;
- Proteccion y Preservacion di Naturalesa & Medio Ambiente;
- Contribucion Economico na nos isla.
Lo enfoca na atrae e bishitante cu lo inverti mas, pero alabes e bishitante cu ta mas consciente y ta balora y proteha nos cultura, naturalesa, nos hende, y nos economia.
Estadistica conforme actualisacion den e industria di turismo:
Volumen (“stayover”) cu resultado positivo adicional di 0.9% den november 2024 compara cu november 2023
Conforme e demanda por bai mira tambe cu e aerolineanan lo sigui expande capacidad y asina permitiendo nos captura e demanda. Den november 2024, Aruba a ricibi un total di 106,938 huesped “stayover”, esaki ta un crecemento di 0.9%, compara cu november 2023, unda a ricibi 105,946 huesped.
Mercadonan y categorianan di acomodacion
Den november 2024, 78.4% di e total di huesped “stayover” a bishita for di Norte America, 5.6% for di Europa, 13.1% for di Latino America y 2.8% tawata procedente di otro partinan di mundo.
Durante november 2024, 24.4% di huesped a keda den hotelnan European Plan, 16.2% a keda den hotelnan All-Inclusive, 26.4% a keda den Timeshare, y 32.9% a keda den otro tipo di acomodacion, incluyendo short-term vacation rentals (STVR).
Short-term vacation rentals (STVR)
A.T.A. tin acceso na un plataforma unda por wak e cantidad di cas, apartamento y villas cu ta uza como vacation rentals como tambe e prijs averahe pa anochi, e ocupacion y un calculacion di e entrada cu esakinan ta genera. Den 2023, segun un estudio, A.T.A. a logra actualisa e inventario di Condominio existente y condominio cu actualmente ta na caminda pa realisacion, y e lista actualisa di sitionan di estadia cu no ta un hotel pero cu si ta disponibel na e turista cu ta keda na Aruba pa un corto tempo.
E ocupacion averahe di e acomodacionnan STVR a aumenta cu 3.9% for di un averahe di 50.8% na november 2023 pa un averahe di 54.7% na november 2024.
Den caso di entrada, si compara november 2023 cu november 2024, por wak cu e categoria ta conta cu un reduccion den entrada.
2024 (Year to Date)
Te cu november 2024, Aruba a ricibi un total di 1,293,446 huesped “stayover”, esaki ta un crecemento di 14.4% compara te cu november2023, unda a ricibi 1,131,099 huesped “stayover”. Te cu november 2024, 79.9% di e huespednan ta di Norte America, 4.9% ta di Europa, 12.7% ta di Latino America, y 2.6% tawata procedente di otro partinan di mundo.
Bishita www.ata.aw tur luna pa A.T.A. su ‘Statistical Monthly Report’.
