Casonan di Gele Koorts den paisnan hopi bishita pa local tin Departamento di Salud Publico (DVG) preocupa

Apesar cu na Aruba nos no tin e malesa di Gele Koorts presente na e momento aki, nos no por descarta cu si un persona regresa Aruba for di su biahe procedente di un di e paisnan aki cu Gele Koorts, nos por haya nos mes confronta cu casonan y hasta un brote si como comunidad nos no tuma accion pa yuda evita esaki.

E sangura Aedes Aegypti (sangura cu pia strepi blanco) cu ta presente riba nos isla por transmiti  Gele Koorts. Actualmente e sanguranan riba nos isla no ta carga e virus di Gele Koorts, pero si e sangura pica un persona cu tin Gele Koorts e sangura lo keda infecta y lo por sigui transmiti di e forma aki e virus pa otro persona.

Pa cuida y proteha Aruba su poblacion di Gele Koorts algun aña atras DVG a introduci e maneho cu tur biahero procendente di paisnan cu tin Gele Koorts mester ta vacuna contra Gele Koorts pa por drenta Aruba. Pero e maneho aki no ta proteha nos poblacion di nos propio localnan cu ta biaha pa e paisnan aki sin vacuna contra Gele Koorts, pensando cu nan lo no por contrae e virus y regresa cu ne Aruba.

Pa medio di e informacion duna, DVG ta haci un suplica na tur local cu ta biahando pa paisnan unda tin casonan di Gele Koorts: Colombia, Peru, Brazil, Bolivia y Guyana; pa corda vacuna por lo menos 10 dia prome cu e biahe. E vacuna di Gele Koorts ta un vacuna cu ta brinda proteccion pa bida largo cu 1 solo dosis y ta obtenibel na seccion di Malesanan Infeccioso di DVG pa Afl 31.

Pa un cita por yama 5224221/5224239/5224241

Pa keda semper bon informa:

• Like nos Facebook page Directie Volksgezondheid DVG Aruba
• Follow nos riba Instagram directie_volksgezondheid_aruba
• Subi nos website www.dvg.aw
• Yama nos na 5224200
• Mail nos na servicio@dvg.aw