Cambio Temporal na Acceso di Waf di Oranjestad
ORANJESTAD - Como parti di mehoracion y mantencion continuo di e waf na Oranjestad, Aruba Ports Authority N.V. (APA) lo ta ehecutando e proyecto di asfaltering y mehoracion di e caminda na Gate 7 y e parkeerplaats banda p’ariba di oficina principal di APA na L.G. Smith Blvd. 23.
Pa tal motibo,Gate 7 lo ta cera temporalmente.
APA ta pidi pa tur usuario di waf tene cuenta cu e siguiente cambionan pa loke ta acceso na e waf di Oranjestad y oficina principal di APA:
- E trabou di asfaltering lo ta entre 22 di april y 23 di mei 2025.
Acceso na waf di Oranjestad:
- Riba e dianan cu no tin barco crucero den waf, acceso na waf di Oranjestad lo continua manera semper na Gate 4.
- Riba e dianan cu tin barco di crucero, acceso na e waf di Oranjestad lo ta via Gate 9
(na e rotonde di Wendy’s/Harbour Arena). E gate aki lo keda habri durante oranan cu e barco di crucero ta den waf. Lo dirigi trafico via Gate 8 pa acceso na waf di Oranjestad. Acceso na waf di Oranjestad ta limita pa hende cu un badge y vehiculonan cu car pass valido di APA y autoridadnan. Ta pidi pa tene cuenta cu trafico di ekipo di construccion cu tambe lo uza Gate 9.
Acceso na oficina principal DI APA:
- Acceso na oficina principal di APA lo continua via Gate 9 (na e rotonde di Wendy’s/Harbour Arena). E gate aki lo keda habri durante orário di oficina, cu personal di siguridad presente. Lo dirigi trafico via gate di ex Free Zone pa yega e area temporario di parkeerplaats (cu lo keda señala). Ta pidi pa tene cuenta cu trafico di ekipo di construccion cu lo uza e mesun ruta aki.
Tene na cuenta cu por ahusta e informacion menciona aki den transcurso di e periodo menciona. Nos ta pidi disculpa pa cualkier inconveniencia cu e cambio temporal aki por causa y di antemano ta gradici tur empleado, e autoridadnan y demas usuario di waf di Oranjestad pa e comprension y cooperacion.
Por fabor sigui tur e señalnan y instruccion di e personal di siguridad pa garantisa un fluho di trafico sigur y eficiente durante e periodo di mantenimiento.
Referi tambe na e mapa cu ta indica e acceso temporario pa drenta waf di Oranjestad.
Pa cualkier pregunta por tuma contact cu APA na 523-4300 of na info@arubaports.com.
