E storia ta den liña cu e tema di e Festival di Buki pa Mucha di e aña aki ‘Na mi Kas’. Denise kier haci e muchanan mas consciente di cuido y atencion pa bestia di cas manera Roxy su cacho.

Denise de Jongh-Rekwest a nace na Corsou, tin laso familiar ku Aruba y ta biba pa basta aña na Boneiro. Denise tin un yiu muhe, Kaylee, cu ta e inspiracion pa su serie di buki di "Kaylee".

Despues di a studia y traha den turismo, el a lanta su propio negoshi di training & consultancy. E ta duna diferente training, entre otro di servicio, comunicacion, teambuilding y etiketa. Na 2008, Denise a skirbi y publica su prome buki di etiketa pa mucha esta "Kaylee i su primunan ku fakansi na Kòrsou". 

Na 2010 su buki di strip, ‘Gino y Gina, amigo di curason’ a sali como buki di regalo na Aruba en conexion cu e Festival di Buki pa Mucha. En total Denise a skirbi 18 buki su so y a publica 20 buki pa diferente otro autor y instancia di Aruba, Boneiro, Corsou y Hulanda via Request Publishing, su propio editorial. Banda di skirbi buki pa mucha, Denise ta gusta lesa buki, fotografia y pinta.