Bishita Consul General di Merca
ORANJESTAD - Recientemente Minister di Asunto Economico, Comunicacion y Desaroyo Sostenibel demisionario Geoffrey Wever, a reuni cu Consul General di Merca pa Aruba sr. Ramon Negron den cual a trata diferente punto economico di importancia pa ambos Aruba y Merca.
Durante di e reunion, a pone enfasis riba e importancia di continuacion di cooperacion riba tereno economico y di siguridad. E relacion entre Aruba y Merca ta fuerte y Aruba ta un di e destinacionnan turistico preferi di Mericanonan, y ta cas di diferente inversionistanan multi-miyonario Mericano, entre otro den turismo y energia, cu a traves di e añanan a contribui enormemente pa e desaroyo economico di Aruba. Nos bon relacion cu Merca ta evidente cu presencia di U.S. Customs and Border Protection (CBP) Preclearance cu tin na aeropuerto Reina Beatrix. Esaki ta un privilegio cu Aruba ta comparti cu diescinco (15) otro aeropuerto na 5 diferente pais y ta importante pa preserva e cooperacion aki. U.S. Customs and Border Protection (CBP) Preclearance ta yuda aporta na seiguridad di tanto Merca y di Aruba.
Tin necesidad pa mantene un dialogo habri riba cooperacion economico. No ta secreto cu e introduccion di tarifa imponi pa President Donald Trump, y cualkie reaccion di e paisnan afecta manera Canada, Mexico, China y Union Europeo, lo tin efecto riba costo di bida aki na Aruba. E aumento di costo aki ta pasa pa e productonan den forma di aumento di prijs y mirando cu mayoria di producto importa na Aruba ta procedente di Merca, nos lo experencia e efectonan di esaki.
Ministerio di Asunto Economico ta monitor e situacion aki di cerca, y mirando cu continuamente tin desaroyo, ta sigui documenta y "update" e efectonan