Biblioteca ta ricibi copia di e buki "IDOOR and others: Aruba’s Aviation history 1923-1950"
ORANJESTAD - Recientemente, sr. Mauricio Boekhoudt a presenta su buki ‘IDOOR and others: Aruba’s Aviaton history 1923-1950’ na Biblioteca Nacional Aruba.
E buki ta trata historia di aviacion na Aruba for di 1923 te cu 1950 y ta redacta na ingles. Na december 2024, Aruba a celebra 90 aña cu e avion SNIP a aterisa pa prome biaha na Aruba dia 24 di december 1934.
Mauricio Boekhoudt tin un experiencia amplio den tur aspecto di aviacion civil manera maneho di trafico aereo, seguridad di aeropuerto y aviacion y emergency response. Ademas Mauricio a traha como controlado di trafico aereo y tin mas di 45 aña di experiencia den e ramo aki. Na 2009 Mauricio a completa e "Airport Management Professional Accreditation Program (AMPAP)" cu cual Mauricio a haya e titulo di International Airport Professional (IAP). Mauricio ademas tabata miembro di "the Dutch Expert Group AIS/PBN/ATM, un organisacion cu ta stimula cooperacion entre e islanan ABC di Reino Hulandes, riba nivel di servicio di informacion aeronautico, performance-based navigation y maneho di trafico aereo. Mauricio tabata miembro di ACI Operational Safety Sub-Committee, the Netherlands Antilles Security Committee, the Aruban National Disaster Preparedness Planning Committee, and the Netherlands Antilles Navigational Aids Planning Committee. Un di su specialisacionnan tabata Aerodrome, air traffic services safety management systems y aviation regulations. E tabata co-responsabel pa creacion di Aruba Happy Flow, cu ta e proceso di fluho efectivo di pasahero na Aeropuerto Reina Beatrix. Recientemente ainda Mauricio a haci un audit di cumplimento di ICAO su Universal Safety Oversight Audit Program (USOAP) Continuous Monitoring Approach (CMA) in the Aerodromes & Ground Aids (AGA) pa Gobierno di Aruba.
Biblioteca Nacional Aruba a ricibi conco ehemplar di e buki "IDOOR and others: Aruba’s Aviation history 1923-1950 cua pronto lo ta disponibel pa su miembronan.
Prologo:
“Dr. Johan Hartog, redactor di noticia y despues bibliotecario, nunca a menciona e evento historico aki den su buki “Aruba, zoals het was, zoals het werd – van de tijd der indianen tot op heden” publica na 1952.
E hecho cu e historia di aviacion na Aruba no tabata conoci, a preocupa Maurico pa hopi tempo, y durante tur su añanan den e ramo aki, a cuminsa haci su propio investigacion riba e materia y contrario na locual hopi ta pensa, tin hopi documentacion di Aruba su historia di aviacion.