Baki den Bario Barcadera den maart y april 2025

Prepara tur desperdicio di antemano y separa esakinan pa por facilita e proceso di coleccion. Tipo di desperdicio cu ta acepta den forma separa ta metal, e-waste, carton, green waste (yerba y mata), desperdicio di construccion, taira, azeta di cushina uza, bulk waste.

Baki den Bario Barcadera lo tuma luga di 7’or pa 11’or di mainta y dependiendo e trafico lo por extende cu un extra ora. E tereno cu lo uza ta riba e caminda di Barcadera, net prome cu yega Arugas.

Gobierno ta continuacion,y e esfuerso pa crea un maneho di desperdicio robusto ta sigui. E meta ta un Aruba mas limpi, mas sostenibel y mas responsabel. Un maneho sistematico di separacion di desperdicio ta unda nos como Pais mester yega. Un sistema cu ta pone hende, planeta y prosperidad den centro di maneho di desperdicio.

Actualmente tin un estudio andando door di University of Georgia, Impact Blue Foundation y Gobierno di Aruba. E meta di e estudio aki ta pa siña nos mas tocante e uzo di plastic den nos comunidad. E Protocol di Evaluacion di Circularidad (Circular Assessment Protocol /CAP) ta duna un impresion di e circularidad di un isla y ta provee data pa por tuma decisionnan informa pa reduci sushi di caya (por ehempel, plastic di un solo uzo) den medio ambiente y pa por aumenta e circularidad di material den maneho di desperdicio.

Pa mas informacion por bishita www.limpi.aw.