A.T.A. y APA presente durante Conferencia di FCCA 2024 na Sint Maarten

Esaki ta di tres biaha cu Sint Maarten ta anfitrion di e conferensia aki cu ta ofrece un oportunidad unico pa conecta cu ehecutivonan di e industria crucero, explora oportunidadnan nobo, y actualisa riba futuro di turismo crucero den e region.

E delegacion di Aruba a consisti di representantenan di Aruba Tourism Authority (A.T.A.) Destination Services Manager Patrick Melchiors and Cruise Manager Monica Bos cu a participa na dialogonan pa resalta e ofertanan unico cu Aruba tin pa ofrece na huespednan crucero. Alabes, e delegacion a consisti di representante di Aruba Ports Authority (APA) CEO Marc Figaroa y Chief Commercial Officer  Mario Arends, cu a uni cu e ekipo di A.T.A. den reunionan strategico cu ta enfoca riba construi relacion sostenibel y fortalece posicionamento di Aruba den e mercado di crucero.  

E Conferencia di FCCA ta un Flagship Event’ unda ta reuni ehecutivonan di crucero y representantenan di diferente destinacion, facilita interaccion directo pa medio di diferente reunion, manera eventonan di networking y diferente tayer riba topiconan manera turismo sostenibel, amplificacion di e destinacion, y strategia di crecemento segun crucero di luho pa Aruba. Delegacion di Aruba a comparti ideanan, posiciona e isla como un destinacion vibrante cu enfoke riba huepsed, y forma conexion cu lo beneficia e industria di crucero di Aruba pa añanan venidero. 

E evento a tene un variedad di actividadnan, incluyendo mas di 940 reunionnan personal entre ehecutivo di crucero y destinacion, un aumento di 34% compara cu 2023. A introduci elemento nobo manera "Presidents Dinner" exclusivo, caminda lider di industria a topa cu socionan di destinacion pa forma conexion y comparti desaroyo di negoshi. Tayer y presentacionnan a tuma lugar riba topiconan manera aumenta e experencia di e huesped, crea producto di tour exitoso, y logra meta di sostenibilidad pa termino largo.