Aruba ta yama barco crucero Majestic Princess bon bini
ORANJESTAD - Aruba Tourism Authority (ATA) y Aruba Ports Authority (APA), hunto cu Port Agency Armada, a yama bon bini na Majestic Princess di Princess Cruises durante su prome bishita na Aruba.
E bishita aki ta reforsa e nivel continuo di Aruba como un destinacion preferi pa turismo crucero di luho den Caribe.
Durante un ceremonia abordo, representantenan di ATA, APA, y Port Agency Armada a haci intercambio di plakaat. Un custumber maritimo cu ta simbolisa bon intencion y ta conmemora e prome bishita di un barco na porta di un waf. Capitan Giuseppe Castellano di Majestic Princess a intercambia plakaat cu representantenan di turismo di Aruba.
Na maart 2017, a lansa Majestic Princess na Shanghai durante di un ceremonia pa leyenda di basketball mundial Yao Ming y su esposa Ye Li. Nan participacion ta representa elegancia internacional y respet cultural, den linea cu e vision global di Princess Cruises. Nomber Chines di e barku ta 盛世公主号 (Shèng Shì Gōng Zhǔ Hào).
E barco tin un capacidad pa acomoda 3,560 huesped den 1780 cabina, ta conta cu un tripulacion di 1346, tin un largura di 330 meter, 68 meter di haltura y ta conta cu 19 dek.
Como un parti di Carnival Corporation, Princess Cruises ta compromente cu sostenibilidad den e industria crucero. Majestic Princess ta utilisa sistema avansa pa maneho di desperdicio, tecnologia energetico-eficiente, y iniciativanan pa reduci plastico di un solo uzo. E esfuersonan aki ta den harmonia cu e compromiso di Aruba pa proteha medio-ambiente y promove turismo sostenibel.
Huespednan abordo di Majestic Princess a disfuta di e oportunidad pa descubri e playanan bunita di Aruba, cultura vibrante, variedad gastronomico, y diferente actividad atractivo.