Aruba preparando pa celebracion Dia Nacional
ORANJESTAD – E celebracion di e Dia Nacional di Aruba, Dia di Himno y Bandera lo tuma luga dianan 17 y 18 di maart proximo.
E manifestacion cultural lo cuminsa diadomingo 17 di maart ariba Plaza Betico Croes for di 6 or di anochi.
Lo tin bendemento di cuminda, artesania, buki cu presentacion di baile, musica y canto di artistanan local.
Dialuna dia 18 di maart lo cuminsa cu e programa oficial cu e ceremonia protocolar y desfile di gruponan uniforma na Plaza Betico Croes cuminsando pa 9 or di mainta.
Durante henter dia lo tin actividadnan cultural, social y deportivo den tur districto di Aruba pa celebra e Dia Nacional di Aruba.
En conexion cu nos Dia Nacional por tira un bista riba nos simbolonan nacional:
https://www.gobierno.aw/simbolo-nacional
