Alerta – No uza remedi sin receta medico
ORANJESTAD – Inspectie Volksgezondheid ta informa cu Ozempic y remedinan manera esaki (e.o. Saxenda, Wegovy, Rybelsus, Semaglutide, etc.) ta remedinan cu mester guia medico.
Pa e motibo aki unico forma cu por haya e remedinan aki ta cu un receta medico di un dokter registra na Aruba. Paso e ta un remedi e por tin consecuencia pa bo salud si no ta uza esaki bou guia di un dokter. Tambe ta importante pa nota cu remedi no obteni via e forma legal na un botica su calidad no ta garantisa y por ta peligroso.
E ley di remedi (AB 1990 No. GT9) ta prohibi importacion, benta y distribucion di remedi di forma ilegal. Pa e infraccion aki por tin castigo penal.
