A habri inscripcion pa solicita pa bira polis

Trabao di polis ta un yamada di responsabilidad pa cu bo Pais. Bo ta un persona dinamico, responsabel y cu interes pa studia? Si bo contesta ta Si, solicita pa sirbi Bo Pais. Solicita pa Polis.

Entrante 5 maart 2025 te cu 27 maart 2025, for di 9 mainta te cu 2’or di atardi bo tin cu pasa personalmente na Scol di Polis E.J. Watty Vos situa na Fortheuvelstraat 25, San Nicolas pa por inscribi. Tene na cuenta cu por inscribi ta diamars, diaranson y diahuebs. Mester menciona cu NO ta permiti pa bin cu slof, tank tops of ta mal bisti. Bo ta aplicando pa un trabou y esaki ta encera cu bo mester bisti apropia.

Pasa personalmente pa yena e formulario y trece algun documento cu ta importante manera:

• 1 pasfoto;
• Copia di diploma y lista di cifra;
• Copia di identificación;
• Copia carchi di AZV;
• Documento di registro civil y Censo (Awg. 5,00).

Rekisitonan:

• Nacionalidad Hulandes;
• Inscribi y ta biba na Aruba;
• Edad minimo 17 aña maximo 34 aña;
• Haltura corporal 1.60 meter;
• Diploma MAVO of ekivalente.

Despues cu bo entrega bo aplicacion, lo yamabo pa haci diferente prueba den fase. E pruebanan ta consisti di:

• Inteligencia;
• Idioma Hulandes;
• Deporte cu ta consisti di:
  -    Condicion fisico;
  -    50m sprint;
  -    prueba di Forsa: *push-up - plank -*hoekhang -*back extension;
  -    pista di obstaculo;
  -    landamento.
• Investigacion general riba solicitante;
• Prueba psicologico;
• Prueba medico;
• Entrevista.

Pa cualkier informacion por tuma contacto cu Instituto pa Formacion Policial na 527-3081.