Yuda nombra e plaza nobo na crusada di Wilhelminastraat y Columbusstraat

E plaza ta keda na e crusada di Wilhelminastraat y Columbustraat, un lugar conoci y frecuenta den e ciudad pa local y turista.  

Gobierno di Aruba ta busca propuestanan cu ta celebra y reconoce un baluarte (persona of simbolo importante) di Oranjestad. Ta importante cu bo propuesta ta algo cu ta resona cu e comunidad local y cu e tin un significado profundo pa e habitantenan di e ciudad y pa e bishitantenan tambe. Si bo tin un idea pa un nomber cu ta satisface e criterianan abou menciona, bo mester registra. 

Directiva y criterio: Tin un maximo di dos palabra pa e nomber di plaza someti. Nomber mester ta original (sin infringi derecho di autor) y mester refleha cultura, historia of significado di Oranjestad. Nombernan controversial, of topiconan no ta permiti. Ta tene cuenta cu facilidad di pronunciacion y memorisacion. 

Participacion y eligibilidad: Tur hende cu ta interesa por participa den e concurso aki. Personanan cu ta haci sugerencia mester ta mayor di edad (18+). Solamente un propuesta pa persona ta ser considera. 

Hunto cu bo registro, bo mester manda bo propuesta. Bo por prepara un argumento convincente cortico pa bo eleccion di nomber, detayando pakico e ta adecuado y/of con ta honra e cultura y historia di Oranjestad. Mester haci e peticion pa un nomber di caya of plaza na e Comision di Nomber di Caya pa por ricibi un apoyo, e.o. mester consulta e habitantenan na e sitio. E principionan cu e “straatnaamcommissie” ta mantene na ora di nombra un caya of plaza tras di un persona, ta lo siguiente:  

• E persona mester a fayece caba of ta mas bieu cu 85 aña 
• E persona cu ta nombra mester a duna un contribuicion relevante na e comunidad. 
• E persona en cuestion mester a traha trabou di boluntario cu ta beneficia e comunidad, y no pasobra esaki tabata su trabou of cu e lo a cobra di dje. 
• E persona mester ta un uno respeta den e comunidad y tin afiliacion fuerte cu Oranjestad. 
• No lo cambia nombernan di caya existente.