Orador durante e workshop tabata experto den sternchi, Dr. Adrian Delnevo, cu tin mas di 20 aña studiando sternchi na Aruba.

Durante e workshop aki, e participantenan di  departamento di Monitoreo y sondeo di Directie Natuur en Milieu, rangers di FPNA y Aruba Birdlife Conservation a train con pa monitor e “Sternchi” loke ta hopi importante pa siña como parti di trabou di conservacion. Na e manera aki, nos por observa e tendencianan di e populacion di “Sternchi” na Aruba y asina traha miho plan di maneho.

5 dato interesante di Sternchi:

• Tin 10 especie di “Sternchi”, Cayenne Tern - Sternchi grandi, Cabot's Tern - Sternchi grandi americano, Common Tern - Sternchi comun, Roseate Tern - Sternchi pecho roos, Least Tern - Sternchi chikito, Brown Noddy - Noddy bruin, Black Noddy - Noddy preto, Sooty Tern - Sternchi bachi preto, Bridled Tern - Sterchi bril y e Royal Tern - Sterchi di rey cu ta cria y broei na Aruba cu ta algo hopi unico! Ningun otro caminda na mundo por  observa esaki.
• tur 10 especie di “Sternchi”,  na Aruba ta proteha pa ley "Landsbesluit bescherming inheemse flora en fauna (AB 2017 no 48)". 
• 25% di e especie Noddy Preto den Caribe ta broei na Aruba. Nan populacion ta keda baha cual ta un problema
• 90% di e especie Sternchi Comun su populacion den Caribe ta broei na Aruba!
• 25% di e especie Sternchi Grandi su populacion mundial ta cria na Aruba!

FPNA kier gradici Dr. Adrian pa a comparti su conocemento y tempo, como tambe Dr. Janske van de Crommenacker di Vogelbescherming Nederland cu a duna e fondonan necesario pa haci e workshop aki un realidad.