Workshop Black Barbie pa mucha entre 4 pa 6 aña na biblioteca

Muchanan por bin cu nan mesun Barbie y ta conta algo di nan popchi. Escritor y ilustrador sra. Mylo Freeman ta facilita e workshop aki. Mylo Freeman ta conoci na Hulanda pa su liña di Black barbie y ta duna un presentacion di su coleccion y ta conta tocante e historia di Black Barbie. Meta di e workshop ta pa enfoca riba diversidad y creatividad. Muchanan ta diseña y ta pinta e outfit pa nan propio Barbie. E workshop ta stimula creatividad y al mismo tiempo ta introduci e importancia di representacion cultural. 

Grupo meta ta mucha di 4 pa 6 aña. Muchanan ta bay e workshop cu nan mayor. Esaki ta tuma lugar den Verteltoren di biblioteca na Playa. Por registra cerca Gina # 528 1504 of email: curso@bna.aw.