Aruba su Centro di Cuido di Herida ta brinda un servicio avansa y di nivel halto na pashentnan cu herida simpel te cu herida cronico y complica. 
Hopi ta e pashentnan cu mester trata heridanan causa pa diabetes. Esaki ta motibo pa keda enfoca riba e plan nacional di prevencion pa sigui conscientisa y informa e comunidad pa hiba un bida mas saludabel.

Minister di Turismo y Salud Publico Dangui Oduber tabata presente na e celebracion y ta gradici e personal di hospital specialmente e doctornan, enfermera(o)nan y e personal cu a mustra un compromiso di semper pone e pashent central y pa brinda e miho cuido posibel. E exito no tabata posibel sin e dedicacion y trabou duro di e ekipo completo di Wondenpoli na HOH.