Waf

Waf crucero

Punto di salida di e maneho di gobierno ta cu turismo crucero y turismo di estadia mester por complementa otro. Pa por realisa e meta aki, mester mehora y

 amplia e infrastructura y e facilidadnan di waf na Oranjestad. E posibilidad pa mara barco crucero mester crece mes hunto cu largura di e barconan. E capacidad actual ta suficiente pa dos barco grandi (= 260 metro) y dos barco chikito den ambos insteekhaven. Pa e barconan mas grandi ya a pone un palo di mara (meerpaal) extra na entrada di Schoenerhaven. Largura di barco por yega te hasta + 340 m. E canal di nabegacion /pasada di canal hundo pa drenta y sali haf na Oranjestad ta cumpli cu exigencia di profundidad, pero kisas mester coba un parti cu no ta hundo na salida. Ta posibel cu mester dempel un insteekhaven (e oosthaven), pa asina tres barco grandi por mara na mesun momento. Actualmente sa uza e waf di container sporadicamente pa un di tres barco.

Durante realisacion di e waf di container nobo e turista crucero por cera conoci na un forma optimal cu producto Aruba den su totalidad durante su bishita cortico. Por duna e companianan crucero opcion pa laga e barconan keda mara na Aruba (pa 1 dia y mey of dos dia) of uza Aruba como base. Pa crea un waf crucero moderno, cu por acomoda e mega barconan crucero, Gobierno a muda riba 15 di februari 2016 e waf di container pa Barcadera. Ta uza e waf di Barcadera pa entrega di carga grandi. E canal di waf na Barcadera ta suficiente hundo pa acomoda barco di container. A adapta e facilidad di carga y descarga considerablemente pa por fungi como waf di container.

Construccion di un Port City

Aruba Ports Authority y Port of Amsterdam International (Havenbedrijf Amsterdam NV) a firma na 2016 un convenio di cooperacion multi-anual. For di cooperracion aki na den comienso di januari 2019a cuminsa cu transformacion di e tereno di waf den un port city.

Segun e masterplan e tereno di waf lo bira denter di dies pa diescinco aña un waf diversifica y cu ta florece economicamente.

E area di Port City ta encera mas o menos 180.000 m² di e tereno di waf, directamente banda di e Aruba Cruise Terminal y un distancia cortico for di centro di Pranjestad. E plan nobo ta encera un área multifuncional cu un combinacion di apartamento, condominium, horeca, recreacion, tiendanan y oficinanan y tambe di un parke publico grandi.

Waf pa yate

Informacion no ta disponibel ainda.

Luganan pa mara boto di pisca

Den principio por traha luga pa mara boto solamente door di huur di kavel pa awa for di DIP. Por huur un kavel pa awa usualmente pa un periodo di cinco 5 aña. Pa por construi un pier of luga di mara boto ta exigi un bouwvergunning (permiso di construccion) como condicion den e contract di huur. Den practica a construi hopi steigers particular sin cu tin un permiso pa esaki. Tin biaha e construccionnan aki ta bandona y verval, unda no ta cla ken ta responsabel pa drecha esaki. Pa busca un solucion definitivo pa e problematica aki DIP y DOW ta traha den un forma estrecho den comision Pier cu a keda institui na 2006.

 Santa Rosa/Directie Landbouw, Veeteelt en Visserij en Markthallen ta encarga cu mantencion di pier y steiger traha door di gobierno y otro steiger cu ta accesibel pa publico. Ademas di mantencion di e facilidadnan pa piscado, e meta di Santa Rosa ta pa traha den cooperacion estrecho cu piscadonan y pa yuda nan mas tanto cu ta posibel cu informacion y supervision riba mantencion di reserva pa pisca. Mantencion y maneho di pier y steigers ta basa riba un contract di huur cu Departamento di Infrastructura y Planificacion y ta pa cuenta di e huurdo y e tarea di control ta bay bou di DIP.
E facilidadnan ta:

• Hadicurari / Basiruti – steiger pa mara boto di placer y di piscado;
• Bucuti – 2 waf pa yate;
• Barcadera – 2 strip pa piscado;
• Balashi – waf pa yate;
• Spaans Lagoen – strip cu piscado ta uza pa mara boto;
• Savaneta / Commandeursbaai – strip pa boto di piscado;
• Commandeursbaai / Marinekazerne Cura Cabay – Warda Costa;
• Rogers Beach Baai – strip pa piscado.

E botonan piscado generalmente ta liber pa mara na cualke luga cu ta publicamente accesibel. No tin indicacion si capacidad y necesidad ta complementa otro. Door di e crecemento di e flota di boto di placer ta bin poco poco un shift ya cu hopi di e barconan di placer ta uza e facilidadnan cu antes e botonan di piscado tabata uza. Ta calcula e cantidad di boto y boto chikito di piscado na 500 pa 600. Por logra un inventarisacion y regulacion di e botonan piscado door di registracion di e permisonan di nabegacion (Klein vaarbewijs y groot vaarbewijs).

Ademas di facilidad basico pa mara boto tin un categoria di pier unda e funcion di bar, restaurant y hotel ta prominente. Tin algun pier bastante grandi na e westkust turistico. Tambe ta uza e piernan aki pa mara boto di placer pa tour di grupo banda di costa. E industria di diberticion a crece asina hopi cu e ta pone e balor pa disfruta di e beachnan y awa den bisindario di e hotelnan grandi bou di un presion enorme.
 

Fuente: ROP Planbeschrijving april 2009