Vacuna di Influenza y COVID-19 ta unicamente pa grupo di riesgo

Mescos cu Influenza, ta un virus respiratorio cu ta sigui ocasiona complicacion grave y hasta morto cerca algun grupo di riesgo den nos comunidad.

Ta conseha personanan cu ta cay bou di e grupo di riesgo, pa tuma e vacuna di Influenza como tambe esun di COVID-19:

• Adulto mayor di 60 aña of mas;
• Clientenan y dunado di cuido, trahado den casnan y centronan di cuido;
• Personanan entre edad di 18 cu 59 aña cu anualmente riba conseho di dokter di cas of specialista ta busca nan vacuna di Influenza
  • Esaki ta inclui esnan cu obesidad (BMI ≥40);
• Adulto y mucha cuminsando for di 6 luna di edad cu ta mentalmente incapacita;
• Demas dunadornan di cuido cu tin contacto cu pashent diariamento.

Ta conseha e siguiente grupo di riesgo pa tuma unicamente e vacuna anual di COVID-19:

• Adulto y mucha cuminsando for di 6 luna te cu 59 aña cu riesgo medico halto (por ehempel es cu ta sufri di malesa cu ta debilita nan sistema inmunologico)
• Hende muhe na estado rond di 22 siman. Pa e miho proteccion ta conseha pa vacuna den e di 2 trimenster di embaraso.

‘Bedlegerig’ pashent (esnan na cama/inmobil) na cas, cuminsando for di 6 luna tambe ta bin na remarca pa ricibi e vacuna di Influenza y COVID-19 completamente gratis. Pa ricibi e vacuna mester trece un prueba di AZV y traha un cita yamando DVG na telefon 5224200.

Riba e siguiente dianan, DVG lo ta den diferente bario rond Aruba unda esnan cu ta cay bou di grupo di riesgo aki riba menciona, cu exepcion di clientenan cu ta biba den cas di cuido, dunadonan di cuido y ‘bedlegerig pashent’ y demas grupo di riesgo, por yega mas facil cerca nos pa busca su vacunanan. Ta importante pa tene na cuenta cu algun persona di e grupo di riesgo mester un recept di dokter di cas. Durante e bishitanan den bario lo tin e vacuna di Influenza y di COVID-19 disponibel. Lo duna cada vacuna apart.

Desde 6 di november 2023, di dialuna pa diabierna, DVG su Seccion di Malesa Infeccioso lo ta habri pa vacuna entre 8:30 am -12:00 pm y 1:30 pm - 4:00 pm.

Personanan entre edad di 6 luna y 59 aña cu ta sano, cu no ta cay bou di grupo di riesgo, no ta bin na remarca ainda pa ricibi e vacunanan aki.

Pa mas informacion like DVG su Facebook page Directie Volksgezondheid DVG Aruba, Follow DVG riba Instagram directie_volksgezondheid_aruba, subi www.dvg.aw, yama 5224200 of manda e-mail na servicio@dvg.aw