Union Cultural riba Dia di Himno y Bandera na Museo Arkeologico Nacional Aruba

Den colaboracion cu Club Kibrahacha, “Santa Rosa”, Muchila Creativo y artistanan local, ta ofrece un programa interesante entre 10’or di mainta pa 3’or di atardi:

• Club Kibrahacha ta treciendo alegria cu nan cuarta y canto, presentacion di baile y hopi mas, na MANA riba nos Dia Nacional.
• Departamento di Agricultura y Pesca, “Santa Rosa” lo tene un ‘mini marshe’ den “Hardin di mi Wela”. Lo tin entre otro berdura, carni fresco, ‘microgreens’, ‘mushroom’, Kombucha, likeur y juice di fruta, sauce di ingredientenan local y honing.
• Muchilla Creativo lo agrega sabor na e dia cu un Festival di Sopi pa recauda fondo  den “Hadrey di MANA”.  Lo malcria e bishitantenan cu un koffiemorgen dushi cu chuculati pinda, bolo y snacks crioyo.
• Artistanan Paola Harper y Sylvia Eizinga  lo guia un tayer di pinta y decora un yabero of mini cuadra cu simbolo di Aruba.  E tayer ta costa Afl.15,- y ta basa riba ‘first come, first serve’ entre 10’or di mainta y 3’or di atardi.
• Artista contemporaneo local Velvet Zoe Ramos lo tene un charla y un presentacion artistico poetico pa 12.30 ‘or den su Exposicion “Interlasado: Pasado Presente”.  Sea na ora pa participacion maximo!
• Arkeologo Raymundo Dijkhoff lo tene dos presentacion  den auditorio di MANA tocante Data y Analisis: Resultado y Interpretacion di Santana St. Cruz 35. E presentacion aki ta e di dos den e ciclo di tres tocante e Santana St. Cruz 35.
  • E prome presentacion lo ta di 11’or pa 12’or di mainta.
  • E di dos lo ta di 1’or pa 2’or di merdia.

E capacidad di auditorio ta maximo 50 persona loke ta nifica cu ora yega maximo no por permiti mas persona drenta.

Scoge pa gosa, baila, y celebra hunto cu famia, amigo y sernan keri di un dushi ambiente na MANA dia 18 di maart awor.  Entrada ta gratis. Si ta desea por laga un "tip" den e cahita di donacion.