Tumamento bao di supervision
Tin motibo pa ponemento bao di supervision, ora cu un menor ta haya un cuido of educacion di tal manera, cu tin un menasa di decadencia moral y fisico. Den un caso asina hues por pone e menor bao di supervision. Hues por haci esaki riba peticion di un di e mayornan, educador, un miembro di famia, Voogdijraad of Ministerio Publico.
Ponemento bao di supervision ta valido pa un aña, cu posibilidad pa prolonga esaki. Ta asigna un voogd di famia (den mayoria di caso di Fundacion Guia Mi) cu ta comparti e responsabilidad cu e mayornan. Den e periodo aki, por saca (traslada) e menor cu ta bao supervision for di su cas y ta mand'e biba otro caminda of e por keda biba na su cas mes.