Tripadvisor a reconoce Eagle beach den top 3 miho beach na mundo

Eagle Beach a logra tres distincionan impresionante e aña aki cu ta inclui:

• #1 Beach den Caribe
• #2 Beach den Premio di 25 Aniversario di TripAdvisor
• #3 Beach den Mundo

E reconocemento aki ta mustra e bunitesa natural, santo blanco y awa cristalino di Eagle Beach cu ta haci e beach aki uno inolvidabel. 

Tripadvisor ta selecciona Travelers’ Choice Best of the Best Beaches’ basa riba calidad y cantidad di feedback/reviews ricibi di huespednan di rond mundo riba e plataforma aki. Ta colecta e feedback/reviews durante un periodo di 12 luna (for di 1 di oktober 2023 te 30 di september 2024). E ranking ta depende di locual cu e huespednan ta prefera den un beach, manera awa cla, santo suave, of paisahenan bunita. E premio ta refleha opinion autentico di huespednan cu ta cambia tur aña segun e feedback/reviews nobo.

Eagle Beach ta mas cu solamente un beach bunita, cu arena blanco y awa cristalino, e ta un parti esencial di e herencia natural y cultural di Aruba. Cu palonan iconico di fofoti, temporada di turtuga, y un bida marino diverso, e beach aki tin un papel crucial den e ecosistema di e isla. Ta importante pa refleha riba e importancia den proteha Eagle Beach y sigura cu e futuro generacion por sigui disfruta di su bunitesa, mientras cu nos ta conserva e balansa natural. Cu practicanan sostenibel, y segun cu ta atrae e turismo responsabel, hunto cu esfuersonan local di conservacion lo yuda na mantene su condicion natural pa e beach por keda un tesoro pa un y tur.