Traspaso di keuringskaart

Si bo a cumpra un auto cu tin un keuringskaart valido, como doño nobo bo por pasa e carchi riba bo nomber. E ora bo ta haya un keuringskaart riba bo nomber cu e mesun datonan di keur cu esun original. Traspaso ta tuma luga solamente ora no tin cambio den e meta di uzo di e vehiculo di motor. Esaki kiermeen cu traspaso di un transporte propio pa un di transporte di persona of vice versa no ta posibel.

Unda pa pidi'e? / Mas informacion na

Balie di e Seccion di keurmento di vehiculo (keuringslokaal ) di Departamento di Inspeccion Tecnico (DTI). 

Kico mi tin di hiba cu mi?

  • un prueba di identificacion valido (rijbewijs, cedula di Aruba of paspoort);
  • formulario di registracion pa vehiculo di DIMP di e vehiculo riba bo nomber. E formulario no por ta mas bieu cu 6 (seis) luna;
  • un prueba di seguro valido di e vehiculo

Cuanto e ta costa?

Ta cobra e suma di Awg. 10,- y mester paga cu placa exacto.

Cuanto tempo ta dura pa hay'e?

Un ora, dependiendo di e cantidad di vehiculo di motor pa keur.