Transporte publico
Un di maneranan di transporte publico na Aruba ta e transporte pa medio di bus. Na aña 1979 gobierno a cuminsa cu un flota di diescuatro bus cu a sigui crece te cu actualmente tin un cantidad di cuarenta y cuatro bus. E busnan ta cubri un gran parti di Aruba y ta core di 4 or di marduga te cu 1:30 di marduga di e siguiente dia. E prijs pa uzo di bus ta masha competitivo.
Fuera cu e busnan ta core rutanan regular, ta uzanan tambe pa transporte escolar y pa uzo di charter particular y tambe pa placer.
E chauffeurnan di bus por comunica na Hulandes, Papiamento, Ingles y Spaño, di manera ey nan ta na servicio di tur pasahero.
E busnan ta core diferente ruta riba Aruba. Prome cu bo cuminsa bo biahe cu bus ta bon pa pone bo mes bon na haltura cua liña(bus) ta hib'abo na bo destino final. Actualmente e siguiente liñanan ta den uzo:
Di Oranjestad pa San Nicolas
E liñanan di bus: L1, L2, L2A, L3 y L3A ta cubri e ruta di Oranjestad pa San Nicolas. Pa cierto dianan di siman tin diferente orario di salida y yegada di e busnan. Den e lista (Orario di bus Oranjestad pa San Nicolas.doc) por haya mas informacion tocante di e rutanan y e horario di salida y yegada.
Di San Nicolas pa Oranjestad
E liñanan di bus: L1, L2, L2A, L3 y L3A ta cubri e ruta di San Nicolas pa Oranjestad. Pa cierto dianan di siman tin diferente orario di salida y yegada di e busnan. Den e lista (Orario di bus San Nicolas pa Oranjestad.doc) por haya mas informacion tocante di e rutanan y e horario di salida y yegada.
Di Oranjestad pa e area di hotelnan y regreso
E liña di bus: L10 ta cubri e ruta di bus di Oranjestad pa Malmok, Arashi di dialuna te cu diasabra. E ruta di Oranjestad pa Malmok, Marriott y Arashi riba diadomingo ta diferente y L7 tambe ta cubri e ruta aki. Den e lista por haya mas informacion tocante di e rutanan y e horario di salida y yegada di linea 7 (Orario di bus Oranjestad pa Marriott.doc) y di linea 10 (Orario di bus Oranjestad pa Hotels (y bek).doc).
Di Oranjestad pa Macuarima (Santa Cruz)
E liñanan di bus: L5 y L6 ta cubri e ruta di Oranjestad pa Macuarima. Den e lista (Orario di bus Oranjestad pa Macuarima.doc) por haya mas informacion tocante di e rutanan y e horario di salida y yegada.
Di Sabana Basora pa Oranjestad
E liña di bus: L8 ta cubri e ruta di Sabana Basora pa Oranjestad. Den e lista (Orario di bus Oranjestad pa Sabana Basora.doc) por haya mas informacion tocante di e rutanan y e horario di salida y yegada.