Traimerda

Maneho Pedagogico

Traimerdia tin como meta; promove e desaroyo total di mucha. Esaki ta nifica cu ta percura pa guia, stimula y ta sostene tur e diferente facetanan di desaroyo di e mucha. Ta tene como punto di salida e mundo cu e mucha ta biba aden y ta busca un asociacion cu e fase di desaroyo di e mucha. Ta ofrece suficiente espacio pa relahamento y sosiego p’asina por duna na un manera adecuado y responsabel e necesidadnan fysiologico primario di e mucha. Ta percura pa stimula e responsabilidad propio, e responsabilidad pa otro, pa  sociedad, pa medioambiente y respet propio y respet pa otronan.

E programa di Traimerdia mester ta dirigi na e cohesion social di e comunidad Arubiano y reforsa norma y balor cu ta dirigi riba un sociedad mas humano. Den stimulacion di e desaroyo di e muchanan ta inclui tambe cu ta duna ayudo na e rendimento di proceso di enseñansa formal. Pues ta stimula e desaroyo di contenido di conocimento di material y habilidadnan. Traimerdia ta manera un di dos hogar y esaki ta nifica cu e ta complementa e educacion na cas. Traimerdia lo sostene e responsabilidad di mayornan, educadornan y maestronan, sinembargo nunca e lo mag di ocupa nan lugar.

Personal

Na cabes di e centro tin un lider di centro, un hefe cu un estudio superior (H.B.O.). Den cada centro tin un cantidad di trahador pa guia grupo. E cantidad ta depende di e cantidad di grupo di mucha. E trahadornan pa guia grupo ta percura pa e cuido diario y guia di e muchanan. E personal ta haya entrenamiento via inhouse-training y ta sigui curso continuo pa por haci e trabou na un manera profesional. Fuera di e personal pa guia grupo, tin un guia pa yuda cu tarea (huiswerk) den cada centro. E persona aki ta un maestro di scol cu, unda ta necesario, ta duna ayudo extra na e muchanan ora di haci tarea. Tambe e ta guia e personal pa guia grupo den e proceso di ayudo den huiswerk.

Programa

E programa diario

En principio, tur centro ta ofrece e mesun programa den cual tin espacio pa trece variacion y posibilidad pa traha ariba e necesidadnan di e muchanan. E programa ta dirigi ariba e desaroyo integral di e mucha riba tereno social, emocional, fisico y intelectual.

Formacion di e muchanan cu norma y balor halto ta core manera un liña cora den e programa. E programa ta contene actividad cu por haci, sea indivualmente, den grupo di mesun sexo, den grupo mescla y parti over di e localidadnan. Den e programa tin hopi oportunidad pa hunga y e mucha mes por determina kico e ta hunga, cu kico e ta hunga y cu kende e ta hunga, pasobra hungamento ta hopi importante pa e mucha. Pa loke ta trata sosten na enseñansa formal mester menciona cu e actividadnan ta: guia den tarea, stimula e mucha pa siña y actividad special pa stimula lesamento. Actividad manera obra di man, pintamento, musica, baile, drama, deporte y wega tin como meta pa lanta interes cerca e muchanan pa despues nan por bay scoge pa sigui desaroya nan mes riba un of mas tereno. E programa ta tuma luga di dialuna pa diabierna di 1 ‘or y cinco te cu 5 ‘or y mey. E mayornan tin oportunidad pa busca nan yiunan te cu 5 ‘or y cuarenta pero no mas laat.

Programanan special

Banda di e programa regular parti merdia, Traimerdia ta ofrece programa special durante vakantie. Durante e vakantie di oktober y di Pasco Grandi tin programa solamente parti merdia. Durante un periodo den vakantie grandi na juli, tin un programa special di 7 ‘or y mei di mainta te cu 5 ‘or y mei di atardi. Pa e programa aki, mester inscribi y paga apart. E programa ta concentra principalmente ariba e aspecto recreativo.
Na Traimerdia ta dedica atencion tambe na e fiestanan cu ta celebra na Aruba y den e centronan ta pone atencion special na e fiestanan aki.

Inscripcion

Por haci peticion pa inscripcion na e oficina di Traimerdia. Na oficina por haya formulario pa inscripcion. Hunto cu e formulario di inscripcion, mayor mester entrega un extracto di registro civil. E mayornan mes por bisa den cual centro nan ta desea pa pone nan yiu(nan). Asina cu tin lugar pa e mucha, ta informa  e mayor. Si no tin luga, ta pone nomber di e mucha riba e lista di espera. Inscripcion mester tuma luga en principio na luna di augustus of januari/februari. Sinembargo lo trata e inscripcion na otro momento tambe. Orario di oficina pa publico ta di 8 ‘or y mey di mainta te cu 3 ‘or y mey di atardi.

Gasto

Suma di inscripcion

Ta cobra un suma anual di inscripcion di 35 florin pa cada mucha. E suma ta pa cubri gastonan di seguro (W.A. y seguro di accidente. Tambe mayor mester paga un suma di risico apart na momento di un accidente) y pa e actividadnan special cu ta tuma luga den e centronan.

Contribucion di mayor

Naast het inschrijfgeld wordt een ouderlijke bijdrage gevraagd op basis van het inkomen van de ouders. De eerste betaling per kind dient samen met het inschrijfgeld voldaan te worden telkens aan het begin van het nieuwe opvangjaar (in augustus) of op het moment dat het kind bij Traimerdia start. Tweede betaling van ouderlijk bijdrage is in januari. Periode I is van augustus tot en met december, en periode II loopt van januari tot en met de laatste schooldag van juli.

Localidad