Trahadonan social a completa nan curso di "Ouderschap Blijft" y "Parallel Solo Ouderschap" existosamente

Prome Minister Evelyn Wever-Croes tabata tin e honor di certifica 17 profesional social cu a completa e curso aki e. Durante e ultimo 5 dianan aki, e trahadonan social a siña con pa ta mas involucra pa loke ta trata separacion, of divorcio di pareha cu tin yiu.

Plan di Mayor ta basicamente un plan, na unda mayornan ta specifica con nan lo comparti e responsabilidadnan cu nan yiunan den un documento legal. Esaki no ta solamente alimentatie, of unda e mucha ta bay biba, sino con ambos mayor por keda forma parti di e bida di e yiu despues di un separacion of divorcio.

Tin casonan di separacion cu ta bay trankilo, na unda ta haci cu e palabracion nan ta bay mas facil, pero tin otronan cu ta fuerte na unda cu e pareha no ta yega na un consensus kico ta e miho pasonan pa tuma relaciona cu nan yiunan. Esaki ta loke e trainingnan aki ta encera, pa siña e trahadonan social con pa ta un miho "coach" pa e parehanan aki. Lo mas importante ta pa e parehanan aki realisa cu pa e mucha ta importante pa tin su mama y su tata den su bida.

Prome Minister ta felicita Ministerio di Asuntonan Social, sra Michella Steenvoorde Lacle, sra Magaly Maduro, directora di Bureau Sostenemi tur e departamentonan cu a traha hunto riba e proyecto aki