Durante di e inspeccion riguroso a bin constata cu e “bakprofiel” cu ta fungi como canal pa hiba awa di yobida, tabatin varios problema. Inicialmente, a considera, pa mientrastanto habri caminda pa trafico, pero no por a haci esaki mirando cu e red di “bakprofiel” ta core bao henter e caminda di Columbusstraat.  A opta pa mantene e caminda cera mientrastanto cu trabounan ta sigui riba e plasa.

Despues di analisa diferente posibel solucion a opta pa un sistema mas duradero y cu tin un periodo mas corto di construccion, pa soluciona e problema mas lihe posibel.

“Nos ta lamenta cu e trabaonan na Colombusstraat a haya retraso, lamentablemente esaki no tabata den nos man ya cu e sistema bieu bao tera tabata kibra, nos a haci nos maximo esfuerso pa remedia e situacion pa asina e proyecto por continua. Nos sa cu e comerciantenan den e area directo tin'e dificil, specialmente cu e retraso y nos ta pidi disculpa pa esaki".

Mientastante, dia 18 di juli, Gobierno a keda cla cu e parti huridico y financiero pa por soluciona e problema di e riolering y awo cu tur cos ta cla, e trabao di revitalisacion por continua. Segun estimacion di e contratista, den 8 siman por finalisa y entrega e trabao den Columbusstraat y parti di Wilhelminastraat.