Trabao

Den principio e mayornan mes ta responsabel pa cuido, criansa/educacion y desaroyo di nan yiu. Como instancia di gobierno Voogdijraad tin e obligacion pa garantisa e derechonan fundamental di menor riba cuido y proteccion necesario. Ora cu ta constata cu no ta cumpli cu e derechonan fundamental di menornan, Voogdijraad ta interveni na interes di menornan. Na Aruba, Voogdijraad ta e unico instancia cu tin e autoridad pa tuma medidanan pa proteccion di un mucha. Den ley ta existi cuatro(4) medida di proteccion pa mucha.