Tur aña, BNA ta scoge un tema nobo pa duna e festival un indole diferente pa sigui stimula mucha pa lesa buki. E Festival di Buki pa Mucha ta dura un siman y ta tuma luga den prome siman di november. E apertura di e siman di Festival di Buki lo ta 4 di november 2023 na Biblioteca Nacional Aruba situa den George Madurostraat y lo celebr'e cu un fiesta grandi.Durante e siman di 6 pa 10 di november varios autor di Aruba, Hulanda, Colombia, Corsou, Boneiro y St. Eustatius lo tey na Aruba pa conta storia den klas y na biblioteca. Ademas, ilustradonan lo duna presentacion di con ta ilustra storia pa mucha.

Un grupo grandi di escritor di buki pa mucha lo bishita mas cu sesenta scol. Escritornan di Aruba ta Vanessa Paulina (Escritor y ilustrador), Irmgard Frans (Escritor y ilustrador), Olga Buckley (Autor y poeta), Emerita Emerencia (Escritor, maestra y actriz), Ruthy Vrieswijk (Escritor, poeta y Blogger), Esmeralda Tromp Jacobs (Escritor y contador di storia), Sheila Werleman (Artista visual y ilustrador) y Desiree Correa (Autor y docente). For di Boneiro, Denise de Jongh (Escritor y editor) y Boi Antoin (Investigador y autor) lo uni na e grupo mientras for di Colombia autor, poeta y actor Pedro Vargas lo tey presente. Tio Ali (escritor y contado di storia), hunto cu Crisen Schorea (autor y poeta) lo biaha for di Corsou pa forma parti di e Festival di Buki, mientras Jeroen Hoogerwerf y Pieter Koolwijk lo bini for di Hulanda pa bishita e muchanan di scol mientras Misha Spanner (Contado di cuenta) di St. Eustatius lo participa pa prome biaha na e Festival.

Den e siman di Festival di Buki, e escritornan, poetanan, ilustrado y contadonan di storia lo ta bishitando riba 60 school tur rond di Aruba pa conta storia, papia tocante buki cu mucha y tambe pa stimula mucha pa lesa mas, lesa hunto y bishita biblioteca mas.

Miembrecia di biblioteca ta gratis na 2023 cu ta un regalo pa tur mucha