Suspende (Seponeren)
Fiscal por dicidi tambe pa seponeer un caso. Esaki ta sosode por ehempel den situacion cu polis no por a colecta suficiente prueba of ora cu ta trata di un acto castigabel chikito y e culpabel a paga e victima e daño causa.
Tambe fiscal por seponeer un caso condicionalmente. Den e caso aki, fiscal ta propone e culpabel cu e lo no persigui penalmente basta cu e cumpli cu un of mas condicion. Por ehempel: e culpabel ta paga e daño causa na e victima.
Ora cu ta stipula un hecho castigabel como un infraccion, por ehempel core cu un auto cu no ta gekeur, fiscal por dicidi di cobra un boet. Esun cu a comete e infraccion ta paga e suma cu fiscal a stipula na Pais Aruba y e no mester di aparece mas dilanti di mesa berde. Ora cu e boet ta paga, ta seponeer e caso. Esun cu no paga boet, mester aparace ainda dilanti mesa berde.