Sushi y reciclahe

Pa regula recogemento y pa deshaci di desperdicio mas miho, ta e intencion di gobierno pa determina regla nobo pa haci esun cu ta produci desperdicio, responsabel pa e desperdicio cu e ta produci.
Si un compania contracta un otro compania pa recoge desperdicio, anto e mester ta un compania cu tin permiso pa recoge y/of transporta desperdicio.

Na Parkietenbos gobierno ta instalando un parke central di medio ambiente. Den e parke aki lo procesa tur tipo di desperdicio cu nos isla ta produci.
                     

E procesamento lo ta na un manera higienico ambiental y comercial economico of prepara pa exportacion. Na Parkietenbos of den bisindario lo reserva espacio pa compania nobo cu ta bay procesa desperdicio.

Cu e meta pa proteha salud publico, mantene medio ambiente y pa cumpli cu normanan internacional y e miho practicanan, Gobierno di Aruba tin como meta pa haci e transicion di e sistema actual di maneho di desperdicio pa un maneho mas sostenibel.

Pa e motibo aki, na comienzo di 2019, Gobierno di Aruba ta aspira pa participacion di sector priva den un procedura di Request for Proposal RFP por sanea e dump existente di Parkietenbos pa medio di un método d stortplaatsdekking (tapamento di e dump) door di entrega propuesta pa un uzo nobo di e pida tereno di e Dump. E ”proposer” ta diseña, financia y realisa e tapamento di e dump di parkietenbos y tambe ta traha un proyecto pa un otro uzo di e tereno di acuerdo cu e medidanan pa sanea e dump di Parkietenbos. E medidanan aki ta basa riba normanan di salud y di medio ambiente  y rekisitonan manera stipula den e documentonan RFP. E propuesta pa un solución integral pa sanea y dunaa otro uzo ta basa riba “Design- BuildOwn- Operate- Transfer” (DBOOT).

Gobierno di Aruba ta consciente di e problemanan di medio ambiente y salud door di desperdicio y ta haci su esfuerso pa soluciona e problema. E campaña “Choose Zero” su meta ta pa prohibi importacion, produción, benta y entrega di producto di plastic y polyethylene.

Aruba Tourism Authority tambe ta lansa campañanan di conscientisacion pa loke ta trata impacto di hende riba medio ambiente. Un ehemplo ta “Ban Serio” cu ta un campaña, dirigi riba conscientisacion di e comunidad local di Aruba y cu ta basa riba 4 tema: Hospitalidad, cultura, medio ambiente y siguridad. AHATA (Aruba Hotel and Tourism Association) ta organisa tur aña accionnan di limpiesa den e areanan turístico como tambe banda di costa, manera di Surfside te cu Wilhelmina Park, e beachnan di Parke Nacional Arikok, zandduinen patras di e faro di Californa, Wariruri Beach, Baby Beach, Bachelor's Beach, Boca Grandi, Zeewijk Beach, Mangel Halto, Santo Largo en Arashi Beach, pa menciona algun.   

Dump Parkietenbos ta bay cera 

Dia 31 di december 2022 oficialmente lo ta e ultimo dia cu Dump di Parkietenbos lo ta habri pa publico.   

Pa e gran mayoria di nos, no lo nota niun cambio.  E motibo ta cu e compania cu ta busca bo sushi, ta keda mescos, y lo keda busca bo sushi mesun dia mesun ora. E meta ta pa eventualmente logra cu tur hende ta separa sushi na cas of negoshi.   

Pa e personanan cu ta hardinero, contratista, of ta hiba nan mesun sushi di cas pa Dump, lo tin diferente localidad nobo pa procesa, abase di e tipo di desperdicio.  

Riba e blueprint Ministerio di Naturalesa  tin e lista di  diferente compania confirma y cua tipo di desperdicio nan ta acepta.

Ta importante pa compronde, cu mientras e infrastructura pa un economia circular, pa reciclahe etc. ainda no ta na su luga debido,  ya caba  tin suficiente solucion basico pa por cera Dump di Parkietenbos, pa asina cuminsa e proceso di tapa esaki pa converti'e den un Parke Solar. 

Lo tin mas opcion den futuro cercano pa caminda pa hiba plastic, glass, y otro tipo di desperdicio, cu e meta cu e companianan aki lo recicla mas tanto posibel.  

Cualkier paso den e bon direccion, ta un salto grandi pa Aruba. Den e caso aki, moviendo for di un "Open Dump" pa un "Sanitary Landfill", caminda ta compacta y empaketa e desperdicio cu no por a reuza of recicla, ta un salto grandi pa Aruba su medio-ambiente.   

Pa mas informacion consulta e website di Trash to Cash Aruba.