Sushi di cas

Pueblo ta considera cu ta Gobierno ta responsabel pa recogemento di sushi di cas. E deber di e cuido aki, dirigi ariba salubridad publico y maneho di medio ambiente ta encera cu Gobierno tin e obligacion pa por lo menos un biaha pa siman recoge sushi di cas. Serlimar ta ehecuta e tarea aki na nomber di Gobierno. Ta recoge sushi di cas segun un skema semanal. Relaciona cu dianan di festia ta desvia di e ruta stipula. E ora ey ta anuncia pa medio di prensa riba ki dia lo pasa recoge sushi di cas.

SERLIMAR a introduci na februari 2007 e proyecto di minicontainer. E minicontainer ta exclusivamente destina pa uzo di sushi di cas pa tur famia na Aruba. Otro desperdicio cu no ta cay bou di sushi di cas ta entre otro: sushi di cura, substancia peligroso (manera desperdicio kimico y bateria), sushi di construccion (manera santo y cement), bestia morto, sushi comercial, etc. E minicontainer ta mas mihor pa e medio ambiente y higienico cu e bari tradicional. E ta un manera pa evita cu sushi lo bula bay. Ademas lo por registra tur cliente (existente), mirando cu e cliente ta central pa SERLIMAR y cu nan ta haci todo por todo pa optimalisa nan servicio. 

Entrante 1 di maart 2019 Serlimar Sui Generis lo cuminsa cobra e tarifa residencial

E tarifa residencial por paga pa luna Awg.25.00, pa cuartal Awg.75.00, mita aña Awg.150.00 of un aña completo Awg.300.00. Pa e aña 2019 lo cobra solamente e 10 luna nan restante di e aña cu ta cuminsa entrante luna di maart te cu december di 2019 cu ta un suma di Awg.250.00. Por haci pago na oficina di Serlimar na Tanki Flip of San Nicolas y pronto na Pos Chikito. Tambe por haci pago na tur oficina di MFA, via online banking of standing-order na bo banco preferi.

E tarifa residencial ta un cobransa cu ta valido pa cada cas of punto di coleccion cu ta ricibi e servicio optimal di coleccion residencial y cu tin un mini-container di Serlimar. Cada cas of punto di coleccion por tin maximo 2 mini-container residencial. Si ta desea mas cu 2 mini-container lo stap over pa un tarifa comercial y lo ricibi container comercial.

Cliente nan di Ecotech N.V. of otro compania lo bin na vigor pa un dispensacion di e tarifa residencial conforme cu ley nan existente. Pa bin na remarca pa e dispensacion aki mester bin cu un comprobante cu ta cliente di otro compania y no di Serlimar.

Pa cliente nan di Serlimar cu a paga aña 2015 te cu 2017 y 2018 por tuma contacto directo cu Serlimar na 5245080 pa haya mas informacion di nan incentiva. Pensionado nan y persona nan cu tin onderstand of bijstand por tuma contacto of pasa personalmente na Serlimar na Tanki Flip of San Nicolas pa mas informacion di e suma cu nan mester bay paga di e tarifa residencial.

Pa mas informacion of cualkier pregunta di e tarifa residencial por tuma contacto cu Serlimar na 5245080 of por manda un email na marketing@serlimar.com of Facebook messenger.