Studiantenan di EPI Horeca a haya un recorido di e mega crucero Carnival Celebration

ORANJESTAD – Riba 15 di augustus 2203, Minister di Turismo y Salud Publico sr. Dangui Oduber conhuntamente cu colega Minister di Enseñansa sr. Endy Croes y 60 alumno di EPI Horeca a haya invitacion pa bay riba e mega crucero di Carnival Celebration pa un presentacion sigui pa un recorido.

Minister Oduber ta hopi agradecido di oportunidad cu Carnival a duna na e 60 studiantenan di EPI. Nan a haya un oportunidad unico pa conoce e mega crucero Carnival Celebracion, un barco crucero basta nobo cu a drenta servicio na aña 2022. Segun Minister Oduber e la keda masha impresiona di e luho y servicio cu e barco crucero aki ta ofrece. Locual mas a resalta segun e mandatario ta e interes cu a keda demostra pa e studiantenan.

Finalmente Minister Oduber a manda un danki na APA y Carnival Cruise Lines pa brinda un oportunidad unico na nos studiantenan. Esaki sigur lo sirbi como inspiracion y mustranan riba otro oportunidadnan di trabou cu tin na momento cu nan termina nan estudio.

Foto