Soft opening Loket Plan di Mayor

E centro lo mester bira e centro di experticio pa brinda guia na famianan y muchanan cu ta pasa den casonan di divorcio compleho.

Plan di Mayor a nace, pa motibo cu cientificamente a prueba cu si tin conflicto durante un divorcio, esaki por tin

consecuencia negativo riba e muchanan. Gobierno di Aruba, tin e proyecto aki como un di nan prioridadnan, y ya a tuma varios paso imporante riba nivel di legislacion, maneho y desaroyo profesional, pa mehora e bienestar y seguridad di e muchanan. A introduci e opleiding di Family Mediation na cual 13 profesional a participa, ademas tin un investigacion cientifico andando den colaboracion cu Universidad di Utrecht riba e tematica aki.

A introduci e campaña nacional pa crea conscientisacion contra abuso di mucha “Mi Mesun Heroe”, a introduci diferente metodo di trabou manera “Signs of Safety” y “Codigo di Proteccion” den e diferente sectornan, pa asina mehora e procesonan di trabou den casonan specifico pero tambe pa señala casonan di abuso mas trempan cu ta posibel. Ademas a reglamenta a traves di ley, e operacion y e rekistonan pa loke ta nos centronan di cuido. E Familiy Justice Center tawata un paso importante no solamente pa con ta atende cu casonan di abuso, pero pa motibo di e atencion cu ta brinda na victimanan.

E meta principal di e loket plan di mayor ta pa percura cu e necesidadnan di e mucha ta keda centraal, restaura comunicacion na bienestar di e muchanan y duna e muchanan mas oido durante ful e proceso aki.