Sigui resultado di eleccion ariba www.overheid.aw, www.gobierno.aw y www.government.aw

ORANJESTAD – Ariba e anochi di eleccion tin un transmision special di e resultado di eleccion ariba e website www.overheid.aw, www.gobierno.aw y www.government.aw. 

Dia 6 di december proximo lo tin eleccion na Aruba pa eligi miembronan di Parlamento. 
Despues cu tur urna electoral cera, nos lo pone ariba e homepage aki tur resultado cu drenta for di Conseho Supremo Electoral.

Manera cu un resultado di un urna ta conoci, esaki lo aparece ariba e website. 
E resultadonan preliminar lo ta disponibel hunto cu estadisticonan y graficonan. Despues di por lo menos 20 urna drenta, lo presenta e pronostico di reparticion di asiento pa cada partido.  

Dia 6 di december den oranan di anochi, unda cu bo por ta, bo por sigui e resultado di eleccion via e website aki.

Formulario pa yena resultado di eleccion

Tambe kier recorda tur esnan interesa cu por download e formulario pa yena resultado di eleccion for di e websitenan di gobierno. Por baha e filenan aki den formato di papel A3 y A4

Eleccion 2024