Revitalisacion di Parking Lot na Lagoen: Otro paso padilanti pa Oranjestad
ORANJESTAD – Recientemente, e trabaonan di construccion relaciona cu e revitalisacion di e parking lot na Lagoen a ser oficialmente entrega.
E parking lot cu un diseño modernisa ta amplia e espacio pa parkeo pa un total di 22 auto y 5 epacio di parkeo special pa taxi. Ademas, pronto lo tin charging stations pa autonan electrico. E adaptacionnan aki ta reforsa e factibilidad comercial di e area y ta crea mas facilidad pa bishitantenan y comerciante.
Minister di Asunto Economia, Comunicacion y Desaroyo Sotenibel Geoffrey Wever ta expresa su gratitud na DOW y Arubaanse Wegenbouw Maatschappij pa e trabao di calidad y pa cumpli cu e trabao den e tempo stipula pa limita cualkier obstaculo na e negoshinan den e area directo.