Resolucion di Horeca

Orario di trabao

E orario ta no mas cu 8,5 ora pa dia y 48 ora pa siman, a menos cu ta dispone di un sistema di orario di trabao (werktijdenregeling) aproba.

Tempo pa descanso

Bao di tempo pa descanso ta compronde e dia pa descanso di e empleado segun su rooster semanal di trabao (segun maneho e dia pa descanso mester cai por lo menos un bes pa cauter siman ariba un diadomingo) y su pauze diario.

Overtime

Overtime por surgi a consecuencia di:

• Trahamento mas largo cu e total di oranan di trabao permiti maximalmente pa dia of pa siman y ta duna e trahado derecho di pago special di 150%;
• Trahamento ariba e dia di descanso di e trahador of ariba un dia di fiesta ta dun’e e derecho di pago special di 200%.

Si traha overtime y e total di ora di trabao, incluyendo overtime ta por lo menos dies ora, e doño di trabao tin e obligacion segun norma, pa duna e trahado un cuminda cayente of un pago suficiente p’esaki.

Director di Departamento di Labor ta competente pa na consideracion di e trahado of un grupo di trahado, pa mara condicion adicional relaciona cu e orario di trabao y e tempo pa descanso.

Dispensacion pa prohibicion pa trabao anochi pa hende muhe

E prohibicion di trabao parti anochi pa hende muhe no ta conta pa e ramonan di industria den e sectornan aki. Tur otro stipulacionnan den e Ley di labor ta keda aplicabel, manera:

• prohibicion di trabao door di menor di edad te cu diescuatro aña;
• den cada empresa mester tin colga un “arbeidslijst” aproba;
• doño di trabao ta obliga pa presenta riba peticion di Inspeccion di Labor un registro di personal;
• doño di trabao ta obliga pa conforme e normanan, tene un registro di overtime traha den su empresa.