Renobacion di rijbewijs caduca

Bo mester renoba bo rijbewijs prome cu e caduca. Riba e rijbewijs ta para e fecha cu e ta caduca.
Atencion:

  • Si bo rijbewijs a caduca pa mas cu un aña caba, bo mester pasa un curso pa evalua bo capacidad pa stuur un vehiculo di motor.
  • No ta renoba/cambia rijbewijs international cu a caduca.

Unda pa pidi'e? / Mas informacion na

Si bo a slaag pa bo examen, bo mester traha un cita na Oficina di Censo/ Registro Civil.

Via afspraak

Pa traha un cita klik riba afspraak maken(link externo) - Scoge Documenten en Inlichtingen/Aanvragen –  Arubaans Rijbewijs
Lo bo haya un afspraak pa pidi bo rijbewijs na e oficina principal na  Schoolstraat 2 of na e oficina na L.G. Smith Boulevard 66.

Tene na cuenta:

Pa rijbewijs mester haci un cita pa persona. Si mas persona di un famia mester di un cita pa un rijbewijs mester haci e cita pa persona. 

Kico mi tin di hiba cu mi?

  • Bo rijbewijs caduca;
  • Si tin 65 aña di edad of mas mester di un formulario di dokter yena y aproba cu un plakzegel di Awg. 8.- geplak riba dje. Esaki tambe ta aplicabel pa rijbewijs categoria C, D. of E, como tambe ora ta haci peticion pa e combinacion categoria B-E. Por busca un formulario di dokter cu e plakzegel di Awg. 8,- na postkantoor. Bo dokter mester yena y aproba e formulario. 

Tene cuenta! E formulario no por ta mas bieu cu 3 siman (articulo 3, inciso 3 di e Landsbesluit rij- en keuringsbewijzen).

E adres di e postkantoor ta:
Post Aruba N.V.
J.E. Irausquin Plein 9
Tel: (+297) 528 7678
Fax:(+297) 528 7603
E-mail: customerservice@postaruba.com

Cuanto e ta costa?

  • Awg. 70,00

  • Duplicado prome biaha cu a perde e rijbewijs  Awg. 100,-

  • Duplicado di dos biaha cu a perde e rijbewijs  Awg. 200,-

  • Duplicado di tres biaha cu a perde e rijbewijs Awg. 400,-

Cuanto tempo ta dura pa hay'e?

Entre 5 y 10 minuut.