Renoba inscripcion di un marca

Despues di un periodo di dies aña, mester renoba registracion di un marca na Oficina di Propiedad Intelectual. Por entrega e peticion pa renoba e registracion no mas laat cu tres luna despues di e fecha cu e ta caduca.

Unda pa pidi'e? / Mas informacion na

Por renoba inscripcion di un marca door di busca un formulario (Formulier vernieuwing merk) y pa despues entreg’e na Oficina di Propiedad Intelectual of download esaki y mail e.

Kico mi tin di hiba cu mi?

Mester entrega e siguiente documentonan ora di renoba registracion di un marca:

  • formulario unda ta pidi renobacion (tres ehemplar);
  • un copia di un ehemplar certifica di e peticion di renobacion;
  • copia di e prueba di anotacion di e ultimo cambio;
  • informacion tocante e marca.

Cuanto e ta costa?

E tarifa pa renoba e marca (pa tres clase)Awg. 550,-
Pa cada clase riba e di tres clase, den cua por registra un marcaAwg.   35,-
Si paga despues di e fecha di pago tin cu paga boetAwg.   50,-

Cuanto tempo ta dura pa hay'e?

Si Oficina di Propiedad Intelectual no tin obhecion pa renoba e inscripcion, esaki ta tuma luga denter di un luna despues di ricibi e peticion pa renoba e marca. Ta entrega e prueba di renobacion, despues di procesa e eventual anulacion di obhecion.