Relato final di informador entrega na Gobernador

E file aki ta den archivo.

ORANJESTAD – Riba 27 di december 2024, e informador, señora Tisa LaSorte, a presenta su relato final na Gobernador di Aruba. 

A base di su resultadonan, e informador ta conclui cu e partidonan AVP y Futuro conhuntamente kier forma un coalicion. E partidonan tambe a yega na un acuerdo riba dos candidato formador, señor Michiel G. Eman y señora Gerlien L. Croes, cu conhuntamente por wordo encarga cu e tarea aki.

E siguiente paso den e proceso di formacion ta e nombracion di e formadornan door di Gobernador. A base di e Landsverordening integriteit ministers, un persona nombra pa e funcion di formador, cu su consentimento, ta wordo previamente someti na un investigacion di seguridad estatal y un investigacion hudicial. E peticion pa haci ambos investigacion ta wordo haci door di e presidente di e Hunta di Conseho. 

Potret: © Kabinet Gouverneur Aruba

Informador, señora Tisa LaSorte, ta presenta su relato final na Gobernador di Aruba.