E regulacionnan aki ta publica den Landscourant di Aruba di 28 di juli 2023 (edicion nr. 16). Debi na e implementacion di ley di fam revisa den Codigo Civil di Aruba entrante 1 di september 2021, ta considera necesario pa revisa e regulacionnan actual pa asina nan ta mas di acuerdo cu e ley di fam revisa.

Pa e revision di ley di fam, a introduci den ley entre otro un derecho di opcion: e opcion di fam. Dependiendo di e casonan menciona den ley, cu e opcion aki bo por scoge e fam di bo tata of di bo mama. Tambe, si bo tata of bo mama tin un fam cu ta consisti di dos nomber, por scoge pa combina e fam di bo tata cu esun di bo mama.

Pa haci un peticion di cambio di fam, mester dirigie por escrito na Gobernador di Aruba mediante e minister di asunto hudicial. Segun e regulacionnan nobo, mester entrega e peticion na Departamento di Legislacion y Asunto Huridico (DWJZ). Pa esaki, mester traha un cita durante ora di oficina cu Sr. M. van der Linde via number di telefon 5275172 of e-mail marlon.vdlinde@dwjz.gov.aw.