Registro di votado 2021
Na nomber dje ministro di Asunto General, Registro Civil/Censo ta mantene un Registro di votado pa e personanan cu ta aparece den e Registro civil. Pa e eleccion pa miembro di Parlamento di dia 25 di juni 2021, e Registro di votado ta cera dia 7 april 2021. Den e Registro di votado ta aparece fam, nomber, adres, lugar y fecha di nacemento di cada votado.
Pa eleccion di 2021 tin 70.281 persona cu derecho di voto.
Manera di custumber pa cada eleccion ta revisa e districtonan electoral y e nombernan di cayanan corespondiente pa loke ta trata nomber di caya nobo y adres , como tambe un aumento desproporcional di persona cu derecho di voto na algun districto electoral, manera Noord/ Tanki Leendert. En conexion cu COVID -19 y pa preveni aglomeracion a aumenta e cantidad di districtonan electoral, pa asina por tin menos persona cu derecho di voto pa districto electoral.
E reparticion a tuma luga den cooperacion estrecho cu Oficina Central di Estadistica (CBS) y Departamento di Obra Publico (DOW).
Door cu directiva di scol St. Aloysius/ S.K.O.A. no a duna cooperacion, mester a pone e districtonan electoral bou di St. Anna School, teniendo na cuenta e grandura y espacio disponibel na e scol aki.
Fuente: www.Censo.aw