Na nomber dje ministro di Asunto General, Registro Civil/Censo ta mantene un Registro di votado pa e personanan cu ta aparece den e Registro civil. Pa eleccion pa miembro di Parlamento di dia 25 di september 2009, e Registro di votado a cera dia 8 di juli 2009. Den e Registro di votado ta aparece fam, nomber, adres, lugar y fecha di nacimento di cada votado. Pa eleccion di 2009 tabata tin 64.601 persona cu derecho di vota.