Reduci malesanan transmiti pa sangura ta rekeri accion di comunidad

Algun ta mira esaki como un bendicion, pero e por ta tambe inicio di un menasa pa salud publico si comunidad no traha hunto pa minimalisa e riesgo di malesanan transmiti pa sangura. Ta trata aki di e malesanan Dengue, Zika y Chikungunya.

Sangura mester di awa para pa por pone webo. Mas awa keda para rond di cas despues di yobida, mas oportunidad e sangura ta haya pa broei dentro di 5-8 dia. Hunto nos por minimalisa e riesgo cu Aruba por experencia aumento di casonan di Dengue, door di ataca e problema aki na su reis. Esaki ta encera reduci of stop e sangura di sigui broei.

Esaki nos por haci door di:

• Tira afo of warda tur obheto cu por retene awa innecesariamente paden y rond di cas, scol y trabou. Por ehempel scoter bao mata, taira, coy hunga pafo, vaas cu mata of flor etc.;
• Tapa tur awa para cu tin proposito manera e.o pa muha mata of duna bestia. Por ehempel hemchi bao airco of bari cu awa di yobida etc.;
• Ta extra alerta riba awa para cu proposito di bida pa mata of mascota por ehempel vaas cu mata of flor, baki awa pa bestia, vijver cu mata di lili etc.

Departamento di Saludo Publico (DVG) su seccion di GKMB ta yuda den e proceso aki door di controla areanan publico, bishita casnan unda tin caso positivo di malesa transmiti pa sangura y duna informacion na casnan den bario durante dia. Pero seccion di GKMB no por bishita tur cas rond Aruba pareu, pa cual motibo e ta keda responsabilidad di cada propietario di cas pa controla y mantene su espacio liber di awa para. Pa algun aña caba seccion di GKMB ta implementando un maneho pa cu cuido y proteccion di nos flora y fauna y no ta core rond spuit barionan mas cu veneno, cu excepcion si tin casonan positivo di malesa transmiti pa sangura den e area.

Pa mas informacion like nos Facebook page Directie Volksgezondheid DVG Aruba, follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.