Tene Cuenta: Empleado publico di Censo/Registro Civil por nenga di traha e acta di reconocemento of haci mencion di esaki despues, si:

• e ta di opinion cu e ta contra di orden publico (reconocemento ficticio) tanten:
• cu esun cu ta reconoce por demostra cu un prueba di DNA tuma na un laboratorio aproba door di Censo y Registro Civil:
• Landslaboratorium
  Laboratorio Familiar (desde 13 februari 2015..

Mas informacion por haya cerca di e empleado publico di Censo. Si nenga bo peticion por apela na Corte di Prome Instancia.

Ki ora bo por reconoce un mucha.

• Por reconoce e mucha caba prome cu e la nace. Esaki nos ta yama reconoce e feto cu no a nace ainda
• Si e mucha ya a nace, por reconoce e mucha ora cu ta inscribi su nacemento of despues. E mama tin cu duna su consentimento pa por reconoce e mucha
• Si ta trata di mucha di 12 te cu 15aña di edad, e mucha tambe mester bin y duna consentimento pa e reconocemento
• Si ta trata di mucha di diesseis aña y mas bieu, solamente consentimento di e mucha ta necesario y consentimento di e mama ta no rekeri.

Reconocemento di un yiu no por tuma luga si:

• E futuro tata legal ta menor di edad y e no tin diesseis aña ainda;
• Despues cu e termino legal pa inscripcion di nacemento di e yiu a pasa (cinco dia), a menos
  o cu ta hopi probabel cu e futuro tata legal ta tambe e tata biologico di e yiu;
  o entre e futuro tata legal y e mucha tin un relacion personal hopi cera.

Reconocemento di un mucha no por tuma luga:

• E futuro tata legal ta menor di edad y no tin diesseis aña ainda.
• Si e mucha ainda no a alcansa e edad di 16 aña, sin permiso prome di e mama.
• sin permiso prome por escrito di e mucha di diesdos aña of mas bieu.
• si tin un diferencia di edad di menos di diesseis aña entre un homber e y e mucha, a menos cu ta probabel cu e homber ta tata biologico di e mucha.

• Despues cu e termino legal pa inscripcion di nacemento di e yiu a pasa (cinco dia), a menos
  o cu ta hopi probabel cu e futuro tata legal ta tambe e tata biologico di e yiu (test di DNA);
  o entre e futuro tata legal y e mucha tin un relacion personal hopi cera (prueba di family life – bida familiar).

Tene cuenta: Si despues di reconocemento kier tin  autoridad hunto riba mucha e ora ey bo mester pida esaki cerca Corte di Prome Instancia (articulo 1:252 jo. articulo 1:244 di Codigo Civil).

Mester trece cu bo:

• Prueba di identidad valido (Paspoort, cedula of rijbewijs) di esun cu ta reconoce e mucha of e mama;
• Den caso di stranheronan- declaracion cu ta soltera di e mama (si ta necesario, cu apostille y/of legalisacion Embahada Hulandes)

Bou di cierto circunstancia bo tin cu demostra cu reconoce bo yiu. Pa esaki bo mester di un extracto di registro di reconocemento.

Escogencia di fam

Un yiu ta haya e fam di e mama excepto ora di e reconocemento ambos mayor duna di conoce cu ta haci un escogencia di fam di e tata of un combinacion di nan si acaso un di nan tin dobbel fam.

Escogencia di fam ora di reconocemento dilanti funcionario di registro civil y ta pone den e acta di reconocemento, Si no a scoge faam of si e mayornan no ta acuerdo cu otro riba e escogencia, e ora ey e yiu ta haya fam di e mama.

Gezag (Autoridad)

Tambe e mama y e tata tin hunto e autoridad (gezag) manera cu reconoce e mucha, excepto si ora di e reconocemento ambos declara cu e mama so tin e autoridad. E declaracion aki tambe lo bin den e acta di reconocemento cu ta wordo manda pa Corte di Prome Instancia.  

Muchanan di 16 aña bay ariba nan mes ta escohe e fam ora di reconocemento.