Prueba di regreso

Prueba di regreso ta un documento den cual DIMAS ta declara cu e persona concerni a entrega un peticion pa un permiso temporal y cu e peticion ta den tramite y cu e persona ta kedando temporal na Aruba (por ehempel pa vakantie) y e mag di drenta Aruba bek. Un persona cu tin un peticion den tramite y di cual su ultimo permiso a caduca, por pidi DIMAS un prueba di regreso. E personanan cu tin un permiso valido ainda pero pa un of otro motibo kier pidi un prueba di regreso tambe por haci esaki.  P'esaki e persona mester yena un formulario pa peticion y siguientemente pasa paga e gasto pa tratamento di e permiso na caha di belastingdienst (SIA). Despues cu esaki tuma lugar y si e persona ta dispone di tur e documentonan necesario, e por haci un cita na DIMAS pa entrega e peticion. Si e peticion ta completo y e persona cu a haci e peticion ta bin na remarca pa e prueba di regreso, ta otorga esaki e mesun dia. 

Unda pa pidi'e? / Mas informacion na

P'esaki e persona mester yena un formulario pa peticion y siguientemente pasa paga e gasto pa tratamento di e permiso na caha di belastingdienst (DI). Despues cu esaki tuma lugar y si e persona ta dispone di tur e documentonan necesario, e por haci un cita na DIMAS. pa entrega e peticion.

Kico mi tin di hiba cu mi?

Door di habri e lista di rekisitonan di DIMAS (Aanvraagformulier bewijs van terugkeer) bo ta haya locual cu bo mester trece.

Kico ta e condicionnan?

E peticion pa e permiso nobo mester tabata entrega na tempo si, pues 3 luna prome cu e ultimo permiso a caduca.

Cuanto e ta costa?

E gasto pa un prueba di regreso ta Awg. 40,-.

Cuanto tempo ta dura pa hay'e?

Si e peticion ta completo y e persona cu a haci e peticion ta bin na remarca pa e prueba di regreso, ta otorga esaki e mesun dia.