Prome Minister a participa na e evento “Legally Bold: Rewriting laws to end violence against women”

A trata di un evento unda a trata temanan huridico pa cu abuso contra hende muhe. E topico cu Prome Minister di Aruba a trece dilanti a trata “hate speech” y “cyber crime” contra hende muhe, algo cu ta pasa hopi na Aruba.

Durante su discurso Prome Minister a splica di e pasonan cu Aruba a tuma riba e tema aki cu leynan pa protege hende muhe y mucha muhe y cu ta sigura husticia pa e victima. E Ley di Violencia Domestico, cu ta duna un marco legal cla pa trata abuso domestico, ofreciendo proteccion, y sigurando un recurso legal rapido pa e victimanan. Ademas a papia di e National Gender Policy, cu ta trata areanan critico manera violencia basa riba genero, empoderamento economico y proteccion social.

Apesar di e logronan grandi di Aruba, e trabou no ta cla. Pa sigui combati violencia di genero, mester adapta e leynan continuamente pa atende cu menasanan nobo, manera cyber-harassment y abuso online. E era digital a introduci formanan nobo di violencia cu ta rekeri solucion legal innovativo y e compromiso pa desaroya leynan dirigi specificamente riba esaki. Pero ta importante pa fomenta un cultura di prevencion. Mester inverti den campaña di educacion y conscientisacion y pa esaki, colaboracion cu organisacionnan civil, empresanan y partnernan internacional ta esencial.

Prome Minister a haci un yamada na tur nacion pa uni y traha hunto pa cambia y mehora leynan cu ta protege hende muhe, pone e agresornan responsabel, y crea un mundo unda tur hende muhe por biba liber di violencia. Hunto por construi un futuro unda no ta tolera violencia di genero y unda husticia y igualdad ta prevalece.