Procesamento di sushi
Pa proteccion di salud publico, conservacion di medio ambiente y pa cumpli cu standardnan y mihor practicanan internacional, na 2018 Gobierno di Aruba a establece e obhetivo pa trece cambio na e forma cu ta procesa desperdicio pa uno sostenibel y sanitario.
Den conexion cu esaki, Gobierno di Aruba ta buscando pa posibel solucionnan pa logra yega na un combinacion di metodonan uza pa procesa y deposita desperdicio, cu ta riba mesun liña cu un economia circular y normanan internacional.
"Upcycle Center" na Pos Chikito
Riba 12 di juli 2019 a inaugura ofiialmente e 'Upscycle Center". Den e edificio na Pos Chikito unda e “front office” di Serlimar y oficina d Bureau City Inspector lo muda, e espacio grandi ta binda oportunidad na e "Upcycle Center".
"Upcycle Center" di Serlimar ta e prome centro di upcyle y recycle na Aruba. E meta principal di e Up-cycle center ta pa trece un desaroyo denter di e concepto di Reduce (Reduci), Reusa (Uza di nobo) y Recycle (Recicla) cu ta refleha un economia circular.Den e “Upcycle Center na Pos Chikito ta uza material cu a tira afo y duna esaki un funcion nobo creativo. Tambe den centro tin ubica organisacionnan y “Stars Ups’ cu ta negoshi chikito cu a caba di lanta, unda nan por traha nan productonan creativo. Asina ta stimula e sector innovativo y Aruba lo bira lider den esaki den region. E “Upcycle Center” berdaderamente ta contribui na logra e meta di desaroyo sostenibel (SDG’s), segun e normanan di Nacionnan Uni.
E plan ta pa un fundacion establece nan mes den e edificio y lo duna cursonan na personanan di poco recurso p’asina traha producto di bon calidad y bende esaki despues. E material cu otro ta benta afor, ta converti su mes den un fuente di entrada hopi cu tin mester di un otro oportunidad.
Banda di e meta social menciona, e centro tambe tin un meta educativo, unda lo brinda cursonan na scolnan, como tambe hende cu ta biba den bisindario y interesadonan. Tambe meta ta pa tin un cafetaria chikito unda bishitantenan por contribui na brinda un solucion pa loke ta trata pa haci nos isla mas sostenibel y alabes gosa di un bon copi koffie.
