Procedemento hudicial asunto di ambtenaar
Empleado publico cu ta sinti cu el a keda perhudica door di un of mas acto di gobierno of door di un decision cu Gobierno a tuma, tin derecho pa bay contra di esaki.
Ta considera como empleado publico, esun cu door di autoridad competente a keda nombra den servicio publico pa traha na Aruba of na Cabinet di Ministro Plenipotenciario na Hulanda. Ex-empleadonan publico tambe ta keda considera como empleado publico a menos cu por demostra lo contrario.
No ta considera como empleado publico:
- sirbido di religion of docente di religion;
- esun cu tin un contracto di trabou segun derecho civil;
- miembro di Conseho di Consulta;
- ministro y ministro plenipotenciario;
- empleado publico cu ta nombra pa bida segun Constitucion di Aruba of otro ley;
- Procurador General.