Prinses Arabella Workshop na biblioteca
ORANJESTAD- Biblioteca Nacional na Oranjestad ta organisa un Prinses Arabella Workshop
Escritora y ilustrador, Mylo Freeman, ta duna e workshop aki na mucha.
E ta conta un storia di Prinses Arabella y e ta pinta e shimis di Prinses Arabella. Despues e muchanan por duna e shimis un bunita color cu Ecoline. Muchanan por descubri nan mes creatividad y haci ehercicio cu tecnica di ilustra. E workshop aki ta tuma lugar den Verteltoren di biblioteca, diamars dia 11 di februari di 3’or pa 4’or. Grupo meta ta mucha di 4 pa 6 aña.